Fotos: Martin Fehr
Es dunklet scho im Tannewald und schneielet ganz liisli
Grün-Wiis macht en Chlaushöck und alli wänd debii si.
Dä Mike hät sich gmäldet zum dä Abig gestalte
Logisch machts wieder emal eine – vo dä Alte
sHere 2 hät sich ganz vill Sorge gmacht
Fiired mir ächt wieder die ganzi Nacht?
Müend mir würkli am Sonntig en Matsch go spile
Wie söled mir blos hebe, die komisch Pille.
Samichlaus, du guete Ma, ich gseh der s a de Auge a.
Nöd immer bin i en Liebe gsi, aber ab jetzt isch das verbii.
Das hoffed mir au für da Flavio wo nur mit eim Schue an Match isch cho
Zum Glück isch er kein Gigolo, anstatt Läderschue ischer mit dä Laufschue cho
Er häts au gschafft und das ohni zPetze
I dänä spiele ohni sich zverletze.
Verletzt hät sich dä Fränk, es isch chum zum glaube und doch zum lache
Bim Chinderwage is Auto verruhme, dä macht komischi Sache
Das wär ja nonig schlimmste gsi, nei
er gingget is Hinterrad vom Auto, drum tuetem weh sis Bei.
Es stimmt nöd, dass dä Mike das Jahr nu dänn im Traning gsi isch
Wänn er gwüsst hät, das am Samstig es Meisterschaftsspiel isch
Regelmässig im Training mit Iisatz und Elan
Chamer nu säge: „hat ihm gut getan“
Drum märkeds eu, ihr Herre vom Zwei
Regelmässig trainiere git schnälli Bei
Und nöd nu will dä Chlaus eu d Ohre lang stah laat
Isches in Zukunft Ehresach das mer is Training gaat.
Und wie söll das im Here 1 au wiiter gah
Es hoffed so villi, dä Bernhard bliibt namal da
Sami, Niggi, Näggi, hinderem Ofe stäggi
Hämmer das Jahr öppis zfiire, oder gits wieder eis ad Bire?
Es Wunder chönnt eus hälfe, vo dä Barack is wiisse Huus
Mir spiled immer no idä 2. Liga, da chumi nüme drus
Yes we can, Yes we can, isch sneue Motto usem Weschte
Ganz tüüf inenäh sött mer das, dänn wäred mir die Beschte
Jede weiss es genau und es isch doch eso
Mit eim Laufpensum meh, wür mer wiitercho.
Es schneielet es beielet, es gaht en chüele wind
Mir sind Erwachsni Sportler und nuna sälte Chind
Alli sötted e Lösig finde idä Trainersache
Es langet nöd nur schnäll en Chueche bache
Vom Himmel hoch da komm ich her
Wär schön wänns bi dä Trainer au eso wär.
Handball isch lässig, macht Spass, eso mues es sii
Grüen-Wiiss isch euse Club - drum bliibed debii
Jetzt gönd go fiire, trinke, sind mit Plausch debii und ässed
Gnüssed dä Chlaushöck 08, damit ihr en nöd vergässed
Es ist en Ros entsprunge
Di letschti Strophe uf dä Zunge
Was isch das für es Liechtli, was isch das füren Schii
Es isch so schön da usse und alli sind debii.
